“Өрт жағдайындағы эвакуациялық жаттығу” тақырыбында оқу-жаттығу өткізілді. 01.04.2025 14:00“ӨзенМұнайСервис” ЖШС аумағында Азаматтық қорғау, төтенше жағдайлар және өрт қауіпсіздігі бойынша бекітілген 2025 жылғы кестесіне сәйкес наурыз айының 28 жұлдызы күні Серіктестіктің әкімшілік басқарма ғимараты аумағында “Өрт жағдайындағы эвакуациялық жаттығу” тақырыбында оқу-жаттығу өткізілді.
Оқу-жаттығудың негізгі мақсаты Серіктестік қызметкерлерінің төтенше жағдай кезінде өзін өзі қалай ұстау керектігі және дүрбелеңге салынбай төтенше жағдай орын алған ғимараттан өз бетінше негізгі және апаттық шығу есігі арқылы ғимаратты босату, әрі қауіпсіз жерге жиналу.
Қауіпсіз жерге жиналғаннан кейін бөлім қызметкерлерінің толық екендігіне көз жеткізу, әрі зардап шеккен әріптесіне жедел жәрдем келгенге дейінгі алғашқы медициналық көмекті қалай көрсету керектігін “Жалымбетов МО” ЖШС жедел жәрдем қызметкерлері практикалық сабақтар өткізді. “Өрт сөндіру қызметі-М” ЖШС қызметкерлері төтенше жағдай орын алған аумақтан зардап шегушіні, қаупсіз жерге эвакуациялап әрі қарай шыққан өртту сөндіру жұмыстарын жүргізді.
instagram: @kmgoms / видео сілтеме бойынша
