
“ӨЗЕНМҰНАЙСЕРВИС” ЖШС БАС ДИРЕКТОРЫ ӨЗ ТАҢДАУЫН ЖАСАДЫ.
Бүгін 6 қазан елімізде АЭС салу мәселесі бойынша референдум өтуде. Маңғыстау өңірінде 250 сайлау учаскесінде қызу жұмыс жүріп жатыр. “ӨзенМұнайСервис” ЖШС Бас директоры Мыңтұрғанов Қанағат өз учаскесіне барып, таңдауын жасады.
Серіктестік басшысы өз сөзінде: “Құрметті, жерлестер! Қадірлі әріптестер! Бүгін еліміздің болашағы үшін өте маңызды шара - референдум өтіп жатыр. Дауыс беру - әрбіріміздің міндетіміз. Жеке азаматтық позициямызды танытып, таңдау жасауға толықтай құқығымыз бар. Мен өз таңдауымды жасадым. Және сіздерді де белсенді болып, өх таңдауыңызды жасауға шақырамын”,-деді. Жалпы серіктестіктің 1400-ге жуық қызметкері дауыс беруге құқылы екенін айтты.
Республика көлемінде өткізіліп жатқан референдумда қоғамдық бірлестіктердің өкілдері, әлемнің 30 елінен және халықаралық ұйымдардан 177 байқаушы қадағалайды. Олар Америка Құрама Штаттары, Ұлыбритания және Солтүстік Ирландия Біріккен Корольдігі, Франция, Ресей, Испания, Қытай, Беларусь, Грузия, Жапония сынды 30 мемлекеттен келген өкілдер.