“Өзенмұнайсервис” ЖШС басшылығы ұжыммен кездесіп, 2025 жыл қорытынды есебін баяндады. 13.02.2026 17:23Жиын барысында есепті кезеңдегі негізгі өндірістік көрсеткіштер, жұмысшылардың әлеуметтік және еңбек жағдайын жақсарту мақсатында жасалған жұмыстар таныстырылды.
Серіктестік бас директоры Шырақбаев Дамир Әлібекұлы, еңбек қауіпсіздігі және қоршаған ортаны қорғау бағыттары басты назарда болатынын атап өтіп, өндірістік тәртіпті сақтау, ресурстарды тиімді пайдалану және қаржылық тұрақтылықты нығайту мәселелеріне ерекше тоқталды.
Сонымен қатар, мекеменің қаржы-экономикалық жағдайы мен алдағы жылға жоспарланған жұмыстар баяндалып, жан-жақты сұрақтар мен ұсыныстар талқыланды.
Кездесу барысында 2026 жылға бекітілген жоспарлар мен нақты міндеттер айқындалып, Цифрландыру бағыттары бойынша жүйелі жаңартулар жоспарланғаны мәлімделді.
Өндірістік тиімділікті арттыру, заманауи тәсілдерді еңгізу және қаржылық көрсеткіштерді одан әрі жақсарту бойынша жұмыстар жалғасатыны атап өтілді.
