“Өзенмұнайсервис” ЖШС бойынша 2025 жылдың 11 айында атқарылған жұмыстарды талқылау мақсатында жауапты мамандардың қатысуымен “Шеберлер күні” ұйымдастырылды. 10.12.2025 10:00Кездесу барысында Серіктестік бас директоры Шырақбаев Дамир Әлібекұлы еңбек қауіпсіздігі мен қоршаған ортаны қорғау жағдайына шолу жасап, өндірістік аймаққа жеке көлікпен келу салдарынан мекеме тарапынан төленген айыппұл шығындары 30 млн. теңгеден асқаны және осы жағдайға аса назар аударып, тәртіпті қатаң сақтауға шақырды.
Негізгі өндірістік көрсеткіштерге тоқтала отырып, скважиналардағы күрделі жөндеу жұмыстарының тиімділігі, соның ішінде жөндеу оқшаулау жұмыстары технологиясын жақсартуға бағытталған іс-шаралар, бос тұрыстарды, қайта жөндеуді азайту жұмыстары назарда болатыны баяндалды.
Сонымен қатар, қойма қалдықтарын тиімді қолдану және басқару мәселесі, алдағы кезеңдегі жоспарланған көрсеткіштер талқыланды.
Шеберлер өз тарапынан бірқатар ұсыныстар мен сұрақтарын көтеріп, арнайы техниканы тиімді қолдану мәселелері, құрал-жабдықтардың жаңартылуы және сапасына байланысты жағдайларды атап өтті.
Аталған мәселелер хаттамаға еңгізіліп, жүйелі шешімдер қабылданатыны жеткізілді.
