50 ЖЫЛДЫҚТА 50 ҮЙГЕ СЫЙ 06.09.2022 00:00"Қайырымды болу - жақсының ісі" демекші "ӨзенМұнайСервис" ЖШС қызметкерлері қайырымды іс қылып, қоғамдық ұмыстарға атсалысуда қарап қалған емес. Бұған дейін де жиі ұйымдасып, әр түрлі жағдайларда белсенділік танытып жүр.
"ӨзенМұнайСервис" жауапкершілігі шектеулі серіктестігінің мамандары компанияның мерейтойы қарсаңында қала тұрғындарына ерекше сый жасады. 50 жылдыққа орай 50 отбасыға азық-түлік салынған қораптарды үлестірді. Қорап ішіне күнделікті тұтынуға қажетті әлеуметтік маңызы бар макарон, сұйық май, сүт, ұн, күріш сынды азық-түлік өнімдері салынған.
Шара Жаңаөзен қаласындағы Әбіш Қожа мешітінде шаһар имамының қатысуымен өтті. Күтпеген жерден сыйға ие болған аналар ризашылығын жеткізіп, балалар мәз-мейрам болды.
