Ардақты зейнеткерлерге құрмет көрсетілді 12.05.2025 12:00ӨзенМұнайСервис ЖШСтмекемесінде ұзақ жылдар бойы адал қызмет етіп, өндіріске өлшеусіз үлес қосқан әріптестеріміз – Тегисбаев Ғабиден, Шәмшебаев Қосай және Абишбаев Аманжол зейнеткерлік жасқа толуына орай салтанатты түрде марапатталды.
Салтанатты жиында мекеме басшылығы мен қызметтестері олардың еңбегіне жоғары баға беріп, жүрекжарды алғыс айтып, естелік сый-сияпат табыстады. Сондай-ақ кәсіподақ төрағалары да ардагерлерге ақжарма тілектерін білдіріп, ұзақ жылғы еңбектері мен ұжымға сіңірген үлестері үшін ризашылықтарын жеткізді.
Зейнеткерлердің еңбек жолы – кейінгі буынға үлгі. Өндірістегі адалдығы мен жауапкершілігі – ұйымның дамуына негіз болған баға жетпес мұра.
Құрметті Ғабиден, Қосай және Аманжол мырзалар, Сіздерге зор денсаулық, ұзақ ғұмыр, отбасы амандығын тілейміз. Зейнет жасыңыз – құрметтің биік белесі, берекелі күндеріңіздің бастауы болсын!
