БЕРЕКЕЛІ ЕҢБЕК НӘТИЖЕСІ 12.11.2020 11:23"ӨзенМұнайСервис" ЖШ Серіктестігінде тағы қос еңбек ардагері зейнет демалысына шықты. Осыған орай салтанатты жиын ұйымдастырылып, еңбек ардагерлерін серіктестік басшылары арнайы құттықтап, ұжым атынан сый-сияпат табыс етті.
Қонарбаев Жұмабай Боранқұлұлы- серіктестікте 5 дәрежелі бұрғышы қызметін атқарған. 42 жыл бойы үзбестен мұнай саласында еңбек етіп, әріптестер арасында сыйлы бола білген Ж.Боранқұлұлы үлгілі маман бола білді.
Қарақұлов Құдайберген Абитұлы - 5 дәрежелі көтергіш машинисті лауазымында болған. Серіктестікте 20 жыл, жалпы мұнай саласында 28 жыл еңбек еткен Құдайберген Абитұлы Абыройлы қызмет атқарған. Қос маман да қызмет сапасын арттыруда өзіндік үлес қосып, жастарға да үлгі көрсеткен.
