"БОЛАМ ДЕГЕН ЕЛДІҢ БАЛАСЫ БІРІН-БІРІ БАТЫР ДЕР" 02.01.2019 19:00
Жаңаөзендік кәсіпқой боксшы Уалихан Бисенкуловқа алғыс білдіру мақсатында "ӨзенМұнайСервис" ЖШС бастамасымен Жаңаөзен қалалық жастар ресурстық орталығының қолдауымен кездесу өткізілді.
Жиында қала жастары, "ӨзенМұнайГаз" АҚ, "ӨзенМұнайСервис" ЖШС, "Бұрғылау" ЖШС, "ҚазГӨЗ" ЖШС, "СӨжТБ" ЖШС жас мамандары бас қосты.
Халықаралық ареналарда Маңғыстау облысының намысын қорғап, ылғи нокаутпен жеңіп, өзін үздіктер қатарынан көрсетіп жүрген бабы келіскен спортшыға "ӨзенМұнайСервис" ЖШ серіктестігі директорының м.а. О.Н.Тарғыновтың атынан алғыс xат пен адай шежіресінен сыр шертетін 9 томдық жинақ тарту ретінде табыс етілді. Сонымен қатар, спортшыға ерекше ризалығын білдіріп қала әкімдігі мен өзге де мекемелер атынан сый-сияпаттар берілді.
Уалиxан Бисенкулов Маңғыстау облысының абыройын асқақтатып жүрген кәсіпқой боксшы. Ол бұған дейін жоғары деңгейде сегіз кездесу өткізіп, барлық кездесуінде де нокаутпен жеңіске жеткен.
