БОЛАШАҚҚА БАҒДАР: РУХАНИ ЖАҢҒЫРУ 03.07.2017 15:44Елбасының 2017 жылдың сәуір айындағы "Болашаққа бағдар: Рухани жаңғыру" мақаласы аясында "ӨзенМұнайСервис" ЖШС мен Жаңаөзен қалалық жастар ресурстық орталығының ұйымдастыруымен "Туған өлкеге саяхат" жобасы аясында Маңғыстау ауданындағы Көгез этноауылына саяхат жасап, Ақмышта арнайы квест - тимбилдинг өтті. Елбасы «Болашаққа бағдар: Рухани жаңғыру» мақаласында: « Бүгінде радикалды идеологиялар ғасыры келмеске кетті. Енді айқын, түсінікті және болашаққа жіті көз тіккен бағдарлар керек. Адамның да, тұтас ұлттың да нақты мақсатқа жетуін көздейтін осындай бағдарлар ғана дамудың көгіне темірқазық бола алады.
Ең бастысы, олар елдің мүмкіндіктері мен шама – шарқын мұқит ескеруі тиіс», - деген болатын. Жас мамандарға мақаланы толық түсіндіру мақсатында тренерлер Жадыра Шалабаева мен Нұрасыл Тоқбаев арнайы әдістеме жасақтап, Елбасының мақаласын түсіндіріп берді. Арнайы жаттығулар мен түрлі сұрақтардан құрылған квест - тимбилдинг өте әсерлі өтті. Шара соңында мекеме жас мамандары Ақмыш саябағына тазалық жұмыстарын жүргізді.
