ЕҢБЕК АРДАГЕРІ ЗЕЙНЕТКЕР АТАНДЫ 24.09.2021 00:00"ӨзенМұнайСервис" ЖШ серіктестігі тағы бір еңбек ардагеріне зейнет демалысына жолдама сыйлады.
5 дәрежелі бұрғышы Қарабеков Берғожа Қойлыбайұлы - мұнай-газды игеру саласында 42 жылдан астам уақыт тер төккен. Саналы ғұмырында ұзақ жылдар бойы саланың өркендеуіне атсалысқан ел ағасы құрметті еңбек демалысына шықты.
Еңбек ардагері Бергожа Қарабековті серіктестік басшылығы арнайы құттықтап, зор алғыс білдірді. Гүл шоқтарын табыс етіп, азаматтың иығына ұлттық нақыштағы шапан жапты.
Зейнеткер атанған маман өз кезегінде ұжымына игі тілегін жеткізді.
