ҚҰРМЕТТІ ЕҢБЕК ДЕМАЛЫСЫНА ШЫҚТЫ 30.09.2020 19:15«ӨзенМұнайСервис» жауапкершілігі шектеулі серіктестігінде зейнет жасына жеткен мамандарға құрметті еңбек демалысына жолдама берілді. Серіктестік бұл жолы тағы да қос ардагерге ілтипат көрсетті.
«ӨзенМұнайСервис» ұжымында арнайы салтанатты шара ұйымдастырылды. Серіктестіктің бас директоры Қанағат Нұрымұлы жиында 5 дәрежелі көтергіш машинисі Әділхан Өтебеков пен скважиналарды күрделі жөндеу шебері Қыдырсиық Утарбаевты зейнет жасымен құттықтап, оларға алғыс хат табыстады. Еңбек ардагерлеріне естелік-сыйлықтар беріліп, гүл шоқтары сыйға тартылды.
Еңбек ардагерлері 5 дәрежелі көтергіш машинисі Әділхан Өтебеков мұнай-газ саласында 43 жыл, ал скважиналарды күрделі жөндеу шебері Қыдырсиық Утарбаев 36 жылдан астам уақыт аталмыш саланың дамуына еңбек сіңірген.
