ҚАРАШАҢЫРАҚ ҚЫЗЫЛСАЙ АУЫЛЫНЫҢ МЕРЕЙТОЙЫ 23.10.2019 09:14
Іргетасы 1959 жылы қаланған қарашаңырақ Қызылсай ауылы биыл 60 жылдық мерейтойын атап өтті.
Өткен аптаның жұма, сенбі күндерінде аталмыш мерекеге орай ұлан асыр той өткізіліп, біраз жұрттың басын біріктірді. Осы жиында «ӨзенМұнайСервис» ЖШ серіктестігі де өз атынан қазақ үй тігіп, қонақтарға арнап мерекелік дастархан жайды. Дастарханнан Қызылсай ауылының тұрғындары, компания зейнеткерлері және тағы басқа қонақтар дәм татып, астың батасын берді.
Екі күнге созылған шара барысында үлкен мерекелік концерт ұйымдастырылып, спорттық шаралар өткізілді.
«ӨзенМұнайСервис» ЖШ серіктестігінің басшылығы атынан әлеуметтік сұрақтар жөніндегі атқарушы директор Н.А.Ермағанбетов арнайы қатысып, ауыл тұрғындары мен шара қонақтарын атаулы мерекемен құттықтап, жүрекжарды лебізін білдіріп қайтты.
Мерейлі мереке кезінде компаниямыздың бірқатар мамандары қызмет қылып, шараның жоғары деңгейде өтуіне атсалысты.
#қазақстан #маңғыстау #жаңаөзен #казаxстан #мангистау #жанаозен #өзенмұнайсервис #озенмунайсервис #ozenmunaiservice #ozenmunaigaz #өзенмұнайгаз #озенмунайгаз #kmgoms #oms #омс
