Қызметкерлердің еңбек және әлеуметтік жағдайын жақсарту – басты назарда 02.06.2026 13:00«ӨзенМұнайСервис» ЖШС-де еңбек жағдайларын жақсарту және қызметкерлердің әлеуметтік әл-ауқатын арттыру бағытындағы жұмыстар жүйелі түрде жалғасуда.
Осы мақсатта жаңадан салынған өндірістік қамту базасы аумағында қызметкерлерге арналған 150 орындық заманауи асхананың салтанатты ашылуы өтті.
Жаңа асхана қызметкерлерге қолайлы әрі жайлы жағдай жасап, сапалы және уақытылы тамақтануға мүмкіндік береді. Бұл бастама еңбек ұжымының әлеуметтік жағдайын жақсартуға, жұмыс тиімділігін арттыруға бағытталған маңызды қадамдардың бірі болып табылады.
Серіктестік үшін қызметкерлердің әл-ауқаты мен қауіпсіз еңбек жағдайларын қамтамасыз ету әрдайым басты назарда. Алдағы уақытта да ұжым мүшелеріне қолайлы орта қалыптастыруға бағытталған әлеуметтік жобалар өз жалғасын табады.
#ӨзенМұнайСервис #ӘлеуметтікЖауапкершілік #ЕңбекЖағдайы
#ЖаңаАсхана
