МҰНАЙШЫЛАР КӘСІБИ МЕРЕКЕСІН АТАП ӨТТІ 07.09.2023 17:571 қыркүйек күні «ӨзенМұнайСервис» жауапкершілігі шектеулі серіктестігі мұнай-газ саласының қызметкерлерінің төл мерекесін жоғары деңгейде атап өтті.
Мұнайшылар қауымы үшін ерекше маңызға ие мерекенің құрметіне ақ дастархан жайып, еңбек ардагерлері мен серіктестіктің барша мамандарының басын қосты. Мерекелік шараға компания мамандары, сала ардагерлері шақырылды. М. Өскінбаев атындағы облыстық филармонияның өнерпаздары салтанатты жиынның көркін қыздырып, ән мен жыр айтып, би билеп өнер көрсетті.
Шара барысында Серіктестіктің өркендеуіне өз үлесін қосып жүрген елеулі еңбек иелері марапатталып, сый-құрметке ие болды.
Цехтар арасында түрлі спорттық жарыстар ұйымдастырылып, жеңімпаздарға сый-сияпаттар табысталды.
Еңбек ардагерлері келіп, ұжымға өздерінің тілегін жаудырып, ақ батасын берді. Сондай-ақ кәсіби мереке шеңберінде бірқатар жұмысшылар «ҚазМұнайГаз» ҰК АҚ-ның және «ӨзенМұнайСервис» ЖШС-ның атынан, құрмет грамоталары, медаль және алғыс хаттарға ие болды.
#Қазақстан #Маңғыстау #Ақтау #Жаңаөзен #Қазмұнайгаз #Өзенмұнайгаз #Өзенмұнайсервис #Мұнайшы #Мұнай #KMGEP #Казмунайгаз #Озенмунайгаз #Озенмунайсервис #Нефть #Казакстан #Мангистау
