МҰНАЙШЫЛАР АРАСЫНДА БИЛЬЯРДТАН ЖАРЫС ӨТТІ 12.09.2017 00:292017 жылдың 10 қыркүйек күні Жаңаөзен қаласында мұнайшылар арасында бильярдтан турнир өтті, - деп хабарлайды «ӨзенМұнайСервис» әлеуметтік саясат және шаруашылықпен қамыту бөлімі. Шара «Өзен» кен орны скважиналарын күрделі жөндеуге 45 жылдығына орай ұйымдастырылды.
Бильярдтан өткен турнирге «ҚазМұнайГаз» Барлау Өндіру» ақционерлік қоғамына қарасты еншілес тәуелді ұйымдары және «ӨзенМұнайГаз» АҚ басқармаларынан құралған 15 ойыншы қатысты. Жарыс олимпиадалық жүйеге сай өтті.
Мұнайшылар 10 сағатқа созылған жарыста кіл мықтының анықтау үшін осы спорт түрінен шеберліктерін паш етті. Сонымен жарыс қорытындысы бойынша, «ӨзенМұнайСервис» серіктестігінің жұмыскері Боранбаев Әскер бірінші орынды иеленіп, екінші орынды «Бұрғылау жұмыстары басқармасы» (БЖБ) жұмыскері Боранбаев Ержан иеленіп, қола жүлдені «№3 мұнай-газ өндіру басқармасы» жұмыскері Супагалиев Данияр қанжығасына байлады.
