«МЕРЕКЕҢ ҚҰТТЫ БОЛСЫН, БАЛДЫРҒАН!» 05.06.2019 12:50«ӨзенМұнайСервис» жауапкершілігі шектеулі серіктестігі 1 маусым – халықаралық Балаларды қорғау күнін жоғары деңгейде атап өтті.
Мереке күні Серіктестік қызметкерлерінің балаларына арнап концерттік бағдарламаға негізделіп, ертегі кейіпкерлері өнер көрсеткен шара ұйымдастырды. Р.Өтесінов атындағы дене шынықтыру және спорт кешенінде өткен жиында 300-ге жуық бала бас қосып, қызыққа толы ертеңгіліктің куәсі болды.
Шарада түрлі ертегі кейіпкерлерінің рөліне енген аниматорлар балаларға арнап ән шырқап, түрлі интеллектуалдық ойындар ойнатып, командалық жарыстар өткізді. Балалар ерекше атсалысып, әр сайыста жеңімпаз болуға деген ұмтылыстарының ерекше екендігін байқатты. Белсенділік танытқан балаларға ерекше қошемет көрсетіліп, басқа да балалардың өнеріне тәнті болдық.
Шара кезінде Серіктестіктегі Еңбекті қорғау жылына арналған «ЕҚТҚжҚОҚ» бөлімі мен «ӘСжШҚ» бөлімі біріге ұйымдастырған «Техника қауіпсіздігін сақтайық» атты сурет байқауының нәтижесі белгілі болып, жеңімпаздарды марапаттау рәсімі өткізілді. Байқауға барлығы 7 үміткер сұраныс білдіріп, өз туындыларын ұсынған болатын. Кішкентай қылқалам шеберлерінің қатарынан үш үміткердің еңбегі І, ІІ, ІІІ жүлделі орынға лайықты деп танылып, 4 үміткер ынталандыру сыйлығын иемденді. Жүлделі орынға ие болған жеңімпаздарға қаржылай сертификаттар табыс етіліп, ынталандыру аталымын жеңіп алған балаларға «ОйнаTOWN» ойын-сауық орталығының карталары сыйлыққа берілді.
Шара соңында барлық балаларға балмұздақ, сусын секілді тәттілер үлестіріліп, балалар ертегі кейіпкерлерімен естелік суретке түсті.
#қазақстан #маңғыстау #жаңаөзен #казаxстан #мангистау #жанаозен #өзенмұнайсервис #озенмунайсервис #ozenmunaiservice #ozenmunaigaz #өзенмұнайгаз #озенмунайгаз #kmgoms #oms #омс
