«МЕШІТТІ ТАЗАЛАУ – МОЛ САУАП» 07.05.2019 06:57«МЕШІТТІ ТАЗАЛАУ – МОЛ САУАП»
«ӨзенМұнайГаз» АҚ-ның ұйымдастыруымен «Рухани жаңғыру» бағдарламасы аясында 4 мамыр күні «ӨзенМұнайСервис» ЖШС мамандары «Шопан Ата» мешітінің айналасына сенбілік өткізіп келді.
«Мешітті тазалау – мол сауап» демекші, Рамазан айының алдында ұйымдастырылып отырған игі шараға «Кен-Құрылыссервис», «KMG EP-Catering» серіктестіктері де атсалысты.
«ӨзенМұнайСервис» ЖШС ұжымынан 40-қа жуық қызметкер барып, қасиетті орынның айналасындағы қоқыстарды тазартып, қоршауларды сырлау жұмыстарына қатысып қайтты.
Осындай сауапты іске жұмылдырылған қызметкерлерге «Шопан ата» мешітінің әкімшілігі мен шырақшы Ыбырайым ақсақал дастархан жайып, ас беріп, ақ батасымен алғысын білдірді.
#Қазақстан #Маңғыстау #Жаңаөзен#ҚазМұнайГаз #Өзенмұнайгаз #Өзенмұнайсервис #ӨМС #ӨМГ#KMGEP #OMS #ЖасМаман
