ПАРТИЯ ӨКІЛДЕРІМЕН КЕЗДЕСТІ 29.02.2020 00:00Ағымдағы жылдың ақпан айында Жаңаөзен қаласының әкімі М.Ибағаров “Nur Otan” партиясының Жаңаөзен қалалық филиалы төрағасы ретінде сайланған еді. Осыған орай қаладағы партия бөлімшелерінің жұмысымен танысу мақсатында кездесулер жоспарланған. Бүгінгі кезекті кездесу "ӨзенМұнайСервис" ЖШ серіктестігінде өтті. Шараға қалалық депутаттар, саяси кеңес мүшелері, БАҚ өкілдері қатысты.
Жиын кезінде "Nur Otan” партиясының 7 серпіні" атты бағдарламасы және ҚР президенті Қ.К.Тоқаевтың қоғамдық диалог - Қазақстанның тұрақтылығы мен өркендеуінің негізі" атты халыққа жолдауы талқыланды. Партия мүшелері тарапынан бүгінгі күнгі қаламыздың мәдениет саласын дамытуға ұсыныс-пікірлер қабылданып, партияның даму мәселелері айтылды.
Бұдан соң филиалдың партия төрағасы М.Оңғарбайұлы бастаған депутаттар өндірістік мекеменің жай-күйімен танысып, жұмыс барысын білді.
