Шымкент қаласында ҚазМұнайГаз компаниялар тобының Жастар форумы өтуде 29.04.2025 20:41 Жастар форумы өтуде
Мемлекет басшысы жариялаған «Жұмысшы мамандықтар жылы» аясында ұйымдастырылған іс-шараға ҚМГ-ға қарасты 32 еншілес және тәуелді ұйымдардан 214 жас маман қатысып жатыр.
Форумды ашқан «ҚазМұнайГаз» ҰК АҚ Басқарма төрағасы Асхат Хасенов ҚМГ жұмысшы мамандықтарға және сұранысқа ие, соның ішінде мұнай-газ химиясы саласындағы жаңа кәсіптерге ден қоя отырып, кадрларды даярлау мен олардың біліктілігін арттыру жүйесін одан әрі дамыта беретінін атап өтті. Бүгінде ҚазМұнайГаз компаниялар тобында 13,5 мың жас маман еңбек етуде.
— ҚМГ компаниялар тобының Жастар форумы кәсіби дағдыларды меңгерген, саланың болашағын айқындайтын жаңа буын мамандарын даярлауға көмектесуге бағытталған. Мемлекет басшысы атап өткендей, жасанды интеллекттің дамуы экономиканың жаңа қозғаушы күшіне айналуда. Жасанды интеллект, операциялық, инженерлік, өндірістік көшбасшылық, жүйелі ойлау мен тиімді шешім қабылдау тақырыптарындағы тренингтер жас мамандардың кәсіби тұрғыдан өсуге берік негіз болады, — деді ҚМГ басшысы.
А. Хасенов жастарды осы заманауи мүмкіндіктерді барынша пайдаланып, маман ретінде, жеке тұлға ретінде жан-жақты дамуға шақырды.
