СПАРТАКИАДА НӘТИЖЕСІ 03.09.2019 16:12СПАРТАКИАДА НӘТИЖЕСІ
Жыл сайынғы дәстүр бойынша «ҚазМұнайГаз» ҰК АҚ қарасты және еншілес мекемелер арасында көптеген спорт түрінен республикалық деңгейде Спартакиада ұйымдастырылады.
Мұнай және газ өндіру, өңдеу және қызмет көрсету саласының мамандары бақ сынап, өздерін жаңа қырынан көрсететін спорттық дода биыл да жалғасын тауып, ерекше әсерге бөледі.
Қазақстан мұнайының 120 жылдығына арналған аталмыш жарыста жас шамасы және спорттағы тәжірибелеріне қарамастан өз ұжымында үздік атанған мамандар футбол, волейбол, баскетбол, жүзу, үстел теннисі, тоғыз құмалақ, қол күрес, шахмат сынды спорт түрлерінен сынға түсті. Іріктеу кезеңі бойынша 350-ден астам үміткер финалдық бәсекеге жолдама алып, Шымкент қаласында өткен Спартакиада ойындарында өнер көрсетті.
Жолдама алғандар қатарында «ӨзенМұнайСервис» ЖШ серіктестігінің футбол, волейбол құрамалары мен қол күрестен бақ сынаған спортшылар болды. Сайыс қорытындысы бойынша ерекше бірлігімен көзге түсіп, «ӨзенМұнайСервис» командасы қатысқаны үшін арнайы кубокпен марапатталды.
#Қазақстан #Маңғыстау #Ақтау #Жаңаөзен #Қазмұнайгаз #Өзенмұнайгаз #Өзенмұнайсервис #Мұнайшы #Мұнай #KMGEP #Казмунайгаз #Озенмунайгаз #Озенмунайсервис #Нефть #Казакстан #Мангистау
