Стратегиялық сессия өтті 07.06.2026 11:00Өзенмұнайсервис ұжымы бөлім басшылары мен жауапты қызметтердің қатысуымен компанияның болашағын талқылауға арналған стратегиялық сессия өткізді. Сессия ҚМГ Инжиниринг мамандарының модераторлық қолдауымен ұйымдастырылды.
Кездесу барысында қатысушылар компанияның қазіргі жағдайын талдап, алдағы 5 жылдағы негізгі даму бағыттарын, тәуекелдері мен мүмкіндіктерін қарастырды. Өндірістік қауіпсіздік, еңбек өнімділігі, тиімділік, цифрландыру және ресурстарды ұтымды пайдалану мәселелері бойынша ұсыныстар айтылды.
Сонымен қатар, компанияның миссиясы, құндылықтары және болашақтағы даму бағыты жөнінде ашық пікір алмасу жүргізілді. Ең бастысы – Серіктестік болашағы әр қызметкердің бастамашылығы, адал еңбегі, тәжірибесі мен жауапкершілігі арқылы қалыптасатыны тағы бір мәрте дәлелденді.
Бұл стратегиялық сессия – үлкен жұмыстың бастамасы және алдағы кезеңде көтерілген ұсыныстар негізінде нақты жобалар әзірленіп, кезең-кезеңімен жүйелі түрде іске асырылады.
Біздің мақсатымыз – өндірістік қауіпсіздігі жоғары, тиімділігі мықты және тұрақты дамитын Өзенмұнайсервисті бірге қалыптастыру.
