
ҚР Тәуелсіздігінің 30 жылдығына орай "ӨзенМұнайСервис" ЖШ серіктестігінің қызметкерлері арасында спорттық шаралар өткізіліп жатыр. 10-11 желтоқсан күндері ерлер арасында арқан тарту, гір тасын көтеру, шағын футболдан жарыстар ұйымдастырылды.
Аркан тартудан І орынды 3-цех қызметкерлері қанжығасына байлады. ІІ орынды ӨҚБ-2 командасы иемденсе, ӨҚБ-1 командасы ІІІ орынға табан тіреді.
Гір тасын көтеруден 61 ұпаймен Аманесен Бисенов (РММ) І орынды иеленді. 41 ұпай жинаған Алибек Қыздарбаев (2-цех) ІІ орынға лайық деп танылса, 40 ұпайды еншілеген Тыныштық Бижанов (БПО) ІІІ орын алды.
Шағын футболдан 1-цех І орын иеленіп, үздік команда атанды. 3-цех ІІ орынға ие болып, 4-цех ІІІ орынға тұрақтады.
Шараның алғашқы күнінде әлеуметтік саясат және шаруашылықпен қамту бөлімінің басшысы Сәрсенбай Аманғали қатысушыларға сәттілік тілеп, қолдау білдірді.
13-желтоқсан күні әйелдер арасында үстел теннисінен жарыс өтеді. Жеңімпаздарға арнайы грамоталар мен кубоктар беріліп, бағалы сыйлықтар тарту етіледі.