ТУҒАН ЖЕРДІҢ ТАЗАЛЫҒЫ БАРШАҒА ОРТАҚ 05.06.2020 00:00Жаңаөзен қаласының әкімдігінің тапсырмасымен «ӨзенМұнайСервис» ЖШ серіктестігінің қызметкерлері «Кендірлі» жағалауында орналасқан Фетисиво аумағына барып, тазалық жұмыстарын жүргізіп келді.
«Туған жердің тазалығы баршаға ортақ» демекші, мекеме мамандары жағалаудағы қағаз, бөтелке, қалдықтарды жинап, барлық қоқыстан тазартты. Шараға арнайы техникалар жұмылдырылды.
Көп адам аяғы басылмайтын жағалаудан түрлі қоқысқа кез болған серіктестік мамандары тазалықты сақтауға шақырды. Табиғат аясында демалып, пайдаланылған заттардың қалдығын ретсіз тастап, қоршаған ортаның ластануына себепкер болмауға үндеді.
Серіктестің қызметкерлерінің қатысуымен өткізіліп отырған игі шараның бұл басы емес. «ӨзенМұнайСервис» мамандары бұған дейін де осындай сенбілік, тазалық жұмыстарын жиі жасауды әдетке айналдырған.
