ВАКЦИНА ІНДЕТТЕН ҚОРҒАЙДЫ 08.11.2021 15:08«ӨзенМұнайСервис» ЖШ серіктестігінде коронавирусқа қарсы егу бойынша түсіндірме жұмыстары жоспарлы түрде жүргізілуде. «Neiron» медициналық орталығының мамандарынан құралған шағын топ кезекті серіктестік бригадаларына арнайы барып, шара өткізді. Бүгін «ӨзенМұнайСервис» ЖШС №5 скважиналарды күрделі жөндеу бригадасының қызметкерлеріне вакцинаның маңызы мен оның адам өміріндегі рөлі жайында айтты. Адамзат тарихында бұған дейін де бірнеше рет халыққа жаппай әсер ететін қауіпті індеттер болған және одан қорғанып, көпшілікті сақтап қалуда екпе - тиімді құрал болғанына және ол әлі де өзекті екендігіне кеңінен тоқталып өтті. Ұжымдық иммунитетті қалыптастыру – еңбектегі үзіліске жол бермейді. Ал, қазіргі уақытта ұжымдық иммунитетті сақтауда вакцина алу – басты қадамның бірі болып отыр. Медицина мамандары қызметкерлердің тарапынан қойылған сұрақтарға жауап беріп, ойларын ортаға салды.
