ЕҢБЕК ДЕМАЛЫСЫНА ШЫҚТЫ 01.06.2018 16:11Мамыр айының 31-жұлдызында «ӨзенМұнайСервис» жауапкершілігі шектеулі серіктестігі саналы ғұмырын қызметке арнап, адал еңбекті жанына міндет еткен азамат Амантұрлы Аманжоловты құрметті еңбек демалысына шығарып салды. Шараға серіктестік басшылығы мен ұжым қызметкерлері қатысты. Жиын барысында зейнеткерді «ӨзенМұнайСервис» серіктестігінің бас директоры Н.Д.Союнов құттықтап, ұжым атынан сый-сияпат табыстады.
Аяулы алпысты еңсерген ардагер қызметкер 1995 жылдан бастап мұнай саласында еңбек етіп келеді. 2000 жылы бұрынғы «Жөндеу» мекемесіне бұрғышының көмекшісі болып жұмысқа қабылданған. Содан 18 жыл бойы тапжылмастан еңбек етіп, «ӨзенМұнайСервис» ЖШ серіктестігінен абыройлы зейнет демалысына шығып отыр.
#Қазақстан #Маңғыстау #Ақтау #Жаңаөзен #Қазмұнайгаз #Өзенмұнайгаз #Өзенмұнайсервис #Мұнайшы #Мұнай #KMGEP #Казмунайгаз #Озенмунайгаз #Озенмунайсервис #Нефть #Казакстан #Мангистау
