Жаңаөзен сахнасында - Тарихи тұлға өмірбаяны: Оразмағанбет Тұрмағанбетұлы 06.12.2025 19:00«Мұнайшы» мәдениет сарайында қазақтан шыққан тұңғыш геолог ғалым, ағартушы ұстаз, қоғам қайраткері, Алаш қозғалысының мүшесі әрі қуғын-сүргін құрбаны Оразмағанбет Тұрмағанбетұлының өмір жолына арқау болған «Оразмағанбет» атты тарихи драманың премьерасы өтті.
Қойылымда ұлт тәуелсіздігі, елдің ғылым-білім жолындағы күресі, Алаш арыстарының тағдыры көркемдікпен өріліп, көрерменге терең әсер қалдырды. Сахнада Серіктестік қызметкері Бердоңғаров Мейірбек Алаш көсемдерінің бірі Әлихан Бөкейханұлының рөлін шынайы сомдап, тарихи тұлғаның болмысын ашуда өз өнерін жоғары деңгейде көрсетті.
Тарихи драманың сценарий авторлары — Жәнібек Әлкен мен Нартай Сауданбекұлы.
Қойылымды сахнаға дайындаған — қоюшы режиссер Ләззат Ерубаева.
