ЖАҢАӨЗЕН ҚАЛАСЫНДА СПАРТАКИАДА ӨТТІ 12.12.2017 21:5310 желтоқсан күні "ӨзенМұнайСервис" жауапкершілігі шектеулі серіктестігінің ұйымдастыруымен спартакиада ойындары өткізілді. Қызметкерлер бақ сынаған додада қатысушылар арқан тарту, гір тасын көтеру, үстел теннисі және шағын футбол секілді спорт түрлерінен жарысқа түсті.
16 желтоқсан ҚР-ның Тәуелсіздік күніне арналған шарада шағын футболдан І орынға №1 цеx, ІІ орынға №3 цеx лайық деп танылса, ІІІ орынды "ӨзенМұнайСервис" аппарат басқармасы жеңіп алды. Ал гір тасын көтеруден І орынға А.Бисенов, ІІ орынға Т.Еңсепов, ІІІ орынға Қ. Абылғазиев ие болды.
Спорттық бәсекеде қыздар арасында өткен үстел теннисінен І орынды А.Алдабергенова, ІІ орынды Г.Мыңбаева алса, ІІІ орын Ә. Абилкадированың еншісіне бұйырды. Арқан тартыстан №3 цеx жігіттері үздік атанса, №2 цеx командасы ІІ орынға, Өндірістік қамту базасының намысын қорғаған ойыншылар ІІІ орынға тұрақтады.
#Қазақстан #Маңғыстау #Жаңаөзен #ҚазМұнайГаз #Өзенмұнайгаз #Өзенмұнайсервис #ӨМС #ӨМГ #KMGEP #OMS
