ЖАҢАӨЗЕНДЕ «FIFA-2017» ОЙЫНДАРЫ ӨТТІ 12.09.2017 00:34Жаңаөзен қаласында «ӨзенМұнайСервис» жауапкершілігі шектеулі серіктестігі жұмысшылары арасында «FIFA-2017» футбол ойындарының турнирі өтті, - деп хабарлайды «ӨзенМұнайСервис» әлеуметтік саясат және шаруашылықпен қамту бөлімі. Шара «Өзен» кен орны скважиналарын күрделі жөндеуге 45 жыл толуына орай ұйымдастырылды.
Ойын басында «ӨзенМұнайСервис» ЖШС Бас директоры Нурсейит Союнов шығып сөз сөйлеп қытысушыларға сәттілік тіледі.
«FIFA-2017» ойынына «ӨзенМұнайСервис» серіктестіктің 16 жұмысшысы қатысты.
Ойыншылар «Реал Мадрид», «Манчестер Юнайтед», «Ювентус», «Барселона» сияқты әлемнің атақты командаларына бөлініп жарысқа түсті.
Жарыс қортындысына келсек: І-ші орынды Шыртанов Әділет алса, ІІ-ші орын Құрманов Берікке бұйырды. ІІІ-ші орынды Құлжанов Нұрғазы қанжығасына байлады.
Жеңімпаздар 28 қыркүйек күні «Өндірістік қамту базасында» «Өзен» кен орны скважиналарын күрделі жөндеуге 45 жыл толуына орай өтетін мерекелік шарада диплом және қаржылай сыйлықтармен марапатталады.
