ЖЕТІСТІККЕ ЖЕТУДІҢ ҚҰПИЯСЫ – БІРЛІКТЕ 25.07.2023 00:00«ӨзенМұнайСервис» жауапкершілігі шектеулі серіктестігі мамандарына арналған тренинг өткізілді. "Тиімді командалық қарым қатынас" «Ұжымдастар арасындағы тиімді қарым-қатынас» тақырыбында өткізілген жиын серіктестік қабырғасындағы қызметкерлердің бірлігін нығайту және ұжымдық мәдениетті қалыптастыру мақсатында өткізіліп отыр. Тренингте қатысушыларға тығырықтан шығуға дайындық ретінде түрлі жаттығулар жасатылып, ситуациялық жағдайларды шешуге бағытталған ойындар ойнатылды. Қызметкерлердің ой-өріс деңгейін байқау үшін бірқатар логикалық тапсырмалар беріліп, мамандардың шапшаңдығы бағаланды. Қызметкерлер бірде үлкен шеңбер құрып сынға алынса, енді бірде топқа бөлініп қойылған міндеттемелерді орындады.
Тренинг барысында қатысушылардың ептілігі мен қырағылығы, мұқияттылығы мен байқампаздығы бақылауға алынса, топ мүшелерінің бойындағы ұйымдастырушылық, әріптестерге деген сыйластық, ұжымдағы бірлікті бағалау қабілеттері қадағаланды. «ӨзенМұнайСервис» ЖШ серіктестігі мамандарына арналған тренингті Ғани Байғалиұлы, кайдзен тренер жүргізді. Аталмыш тренинг 11-25 шілде аралығында өткізілді . 10 күнге жоспарланған семинарға 25 адамнан 8 топ қатысты.
#Қазақстан #Маңғыстау #Ақтау #Жаңаөзен #ҚазМұнайГаз #КазМунайГаз #KMGEP #ӨзенМұнайСервис #ОзенМунайСервис #ОМС #ӨМС #Тренинг #Kazakhstan #Mangystau #Zhanaozen
