АЛҒЫС АЙТУ КҮНІНДЕГІ МАРАПАТ 18.03.2019 09:43Қала әкімі Әділбек Дауылбаев 1 наурыз - Алғыс айту күніне орай бір топ жаңаөзендік белсенді жасты марапаттады.
Әділбек Құлынтайұлы қала көлемінде қайырымдылық шараларын ұйымдастырып, бірқатар игі істерге мұрындық болып жүрген азаматтарға алғысын білдірді. Сондай-ақ, Маңғыстау өңірінен шыққан тұңғыш кәсіпқой боксшы Уәлихан Бисенқұловты кезекті жеңісімен құттықтап, алдағы жекпе-жектеріне сәттілік тіледі.
Жиынға арнайы келген Жаңаөзен қалалық Ардагерлер кеңесінің төрағасы Қуандық Бекмағанбетов пен қоғамдық кеңес төрағасы Мұса Ходжабеков те жастарға ақыл-кеңестерін айтып, ақ баталарын берді.
Қазақта "Елдің қамын ер ойлар" деген аталы сөз бар. Ендеше, қаланың абыройын арттырып, жақсылықтарға себепші болып жүрген барша белсенді жастарға Жаңаөзен қалалық Жастар ресурстық орталығы өз кезегінде ризашылығын білдіреді.
P/s: Ақпарат Жаңаөзен қалалық Жастар ресурстық орталығының әлеуметтік желі инстаграм парақшасынан көшіріп алынды. https://www.instagram.com/p/Bukp-9eBTGG/
