БРЕЙН-РИНГ ОЙЫНЫ ӨТТІ 07.12.2018 16:27Қазақстан Республикасының Тәуелсіздік күніне орай «ӨзенМұнайСервис» ЖШС Жас мамандар кеңесінің ұйымдастыруымен мамандар арасында «Брейн-ринг» интеллектуалдық ойыны өткізілді.
Мамандар арасында өткізілген ойынға «Жалынды жастар», «Қырандар», «Алаш», «Бүркіт» атты төрт топ қатысты. Брейн-рингты «ӨзенМұнайГаз» АҚ-ынан келген маман Бауыржан Бердібайұлы жүргізді. Жүргізуші сайыс шартына сәйкес бас қатырғыш тапсырмалар мен логикалық және тарихи сұрақтар қойып, ойыншылардың аяқ алысын сынап бақты. Сұрақтар арасында түрлі талас тудырған, бірқатар пікірлер айтылған тапсырмалар да болды. Қатысушылар топта бірігіп жұмыс жасау арқылы бірде сұрақтың жауабын өздері тауып, ал бірде жүргізуші тарапынан мүлде ойламаған жауаптарды естіп таң қалысып жатты.
Брейн-ринг нәтижесі бойынша «Бүркіт» тобының ойыншылары бас жүлдені қанжығасына байласа, І орынға «Алаш» тобы табан тіреді. Ал сайыстың ІІ орыны «Қырандар» тобына бұйырса, ІІІ орынды «Жалынды жастар» командасы иемденді. Сонымен қатар ойында белсенділік танытып, ерекше көзге түскен қатысушылар «Үздік ойыншы номинациясымен марапатталып, өзге қатысушыларға алғыс хаттар табыс етілді.
#қазақстан #маңғыстау #жаңаөзен #казаxстан #мангистау #жанаозен #өзенмұнайсервис #озенмунайсервис #ozenmunaiservice #ozenmunaigaz #өзенмұнайгаз #озенмунайгаз #kmgoms #oms #омс
