СПАРТАКИАДАДАН БАС ЖҮЛДЕНІ ЖЕҢІП АЛДЫ 15.08.2023 00:00Ақтау қаласында "Halyk Arena" спорт кешенінде "Маңғыстаумұнайгаз" АҚ 60 жылдығына орай "ҚазМұнайГаз "ҰК" АҚ дәстүрлі Спартакиадасы өткізілді. Онда ұлттық компанияға еншілес компаниялардың қызметкерлері шағын футбол, баскетбол, волейбол, үстел теннисі, арқан тару, қол күрес және басқа да спорт түрлерінен бақ сынады.
Спорттық дода төрт күнге созылды. "ӨзенМұнайСервис" ЖШ серіктестігінің намысын қорғаған спортшыларымыз спартакиаданың алғашқы күні-ақ жеңіс тұғырынан көрініп, қуантты.
Арқан тарту турнирінде "ӨзенМұнайСервис" ұжымының командасы топ жарды. Олар финалға шыққан "Ембімұнайгаз" АҚ және "Oil Services Company" ЖШС командаларын басып озып, бас жүлдені иемденді. Бұл біздің арқан тартыстан алып отырған алғашқы үлкен жеңісіміз болып отыр.
Қол күрестен әріптесіміз Еңсеп Даурен ІІ жүлделі орынды иемденді.
Шағын футболдан әріптесіміз Есіркеп Сынабаев "Үздік қорғаушы" номинациясын жеңіп алды.
Жеңімпаздарымыз 18-20 тамыз аралығында Астана қаласында республикалық деңгейде өтетін Спартакиадаға жолдама алды. Әріптестерімізге сәттілік тілейміз!
