ЖАҢАӨЗЕНДІК АЙТЫСКЕР РЕСПУБЛИКАЛЫҚ ӨНЕР ДОДАСЫНДА І ОРЫН ИЕГЕРІ АТАНДЫ... 20.08.2024 17:54
ЖАҢАӨЗЕНДІК АЙТЫСКЕР РЕСПУБЛИКАЛЫҚ ӨНЕР ДОДАСЫНДА І ОРЫН ИЕГЕРІ АТАНДЫ
“ӨзенМұнайСервис” ЖШС маманы Абай Жолмағанбетов Баянауылда өткен республикалық ақындар айтысында І жүлделі орынға ие болды.
Баянауыл ауданы, Мойылды шатқалында өткен шара Қазақстан Ғылым академиясының негізін қалаушы және тұңғыш президенті, геолог-ғалым, академик Қаныш Сәтбаевтың 125 жылдық мерейтойына орай ұйымдастырылды.
Айтыста Аспанбек Шұғатай, Рауан Қайдар, Нұрқанат Қайрат, Тілеген Әділов, Айтбай Жұмағұлов, Айтбек Тұрсынбай, Еркебұлан Қайназаров, Нұрлан Есенқұлов, Нәрия Ақбабақызы және Батыржан Кәдірбай сынды айтыс өнеріндегі жүйріктер бақ сынады.
Абай Жолмағанбетов мықтылардың ішінен оза шауып, басты жүлдені қанжығасына байлады.
Әріптесімізді жеңісімен шын жүректен құттықтаймыз!
