ЖЕҢІС ТҰҒЫРЫНДА - «ӨЗЕНМҰНАЙСЕРВИС» ЖШС ФУТБОЛ КОМАНДАСЫ! 13.12.2016 15:19Қазақстан Республикасы Тәуелсіздігінің 25-жылдығына орай ұйымдастырылған футболдан спорт сайысы өз мәресіне жетті. Рахмет Өтесінов атындағы Жаңаөзен қалалық дене шынықтыру және спорт кешеніндеосыдан екі ай бұрын басталған жарыстың, ақтық сынында «ӨзенМұнайСервис» ЖШС командасы топ жарып, 2-орынға ие болды. Мекеме үшін бұл үлкен жетістік.
Команда капитаны Ә.Шыртановтың айтуынша, жігіттер жарысқа үлкен дайындықпен қатысты. «Әр еңбектің бір жемісі бар демекші, осылай тынымсыз жұмыстың арқасында жақсы нәтижеге қол жеткіздік» дейді ол. Төрешілер де команданың ойынға жақсы дайындықпен келгенінің нәтижесінде жетістікке жеткенін атап айтты.
Спорт сайысы соңында «ӨзенМұнайСервис» ЖШС директоры Н.Союнов қатысушыларға жылы лебізін білдіріп, шебер ойын көрсетуге қажетті жақсы қасиеттер туралы айтып өтті. «Футболшы көптеген қажетті қасиеттерге ие болуы керек. Футболдағы әр ойыншы доп алып жүру, дәл пас, қақпаға допты тура бағыттай білуі керек. Осылармен бірге ол бүкіл ойын бойы түсетін ауыртпалыққа шыдай білуі қажет. Футболда басты, маңызды қасиет ол ойыншылардың өз денесі мен допты игере білі. Ойыншы, егерде жарыстарда жақсы жетістіктерге жеткісі келсе, өзінің дайындығына басты назар аударуы қажет болады. Ал осындай дайындық өзіне жоғары физикалық дайындықты, әр түрлі техникалық ойды қажет етеді»,- деп ойыншыларға өзінің ыстық ықыласын білдіріп алғыс хаттарды табыстады. Айта кету керек, жеңістен бірқатар ойыншы үздік шабуылшы, үздік қақпашы деген деген айрықша атақты алды.
Сайыс қорытындысында, 1 орынды алған «Семсер өрт-сөндіру» мекемесі, 2-орын «ӨзенМұнайСервис», ал 3-орынды иеленген «ГӨЗ» ЖШС мекемесінің жастары. Дәл осындай сенімді нық ұстаған мекеме футболшыларына болашақта да жоғары жетістіктерге жете беруіне тілектеспіз.
