ЖЫЛ ҮЗДІКТЕРІ МАРАПАТТАЛДЫ 20.02.2019 09:16«ӨзенМұнайСервис» ЖШ Серіктестігінде еңбек өнімділігінің жылдық және екінші жарты жылдық қорытындысы бойынша үздік деп танылған бригадалар мен ауысым қызметкерлері марапатталды.
Өткен 2018 жылдың нәтижесінде күрделі жөндеу бригадалары арасында «Үздік бригада» номинациясы жылдық қорытынды бойынша І орынға ӨМС-17 бригадасы лайық деп танылды. Ал ӨМС-4 бригадасы ІІ орын, ӨМС-28 бригадасы ІІІ орынды иеленді. ІІ жарты жылдық бойынша ӨМС-44 бригадасы І орынды, ӨМС-24 бригадасы ІІ орынды, ӨМС-35 бригадасы ІІІ орынды қанжығаларына байлады.
«Үздік ауысым» номинациясы ІІ жарты жыл қорытындысы бойынша І орынға №1 скважиналарды күрделі жөндеу цехынан ӨМС-11 бригадасы бұрғышы Ы. Өзденбаевтың ауысымы, ІІ орынға №2 скважиналарды күрделі жөндеу цехынан ӨМС-17 бригадасы бұрғышы Б. Туркменбаевтың ауысымы, ІІІ орынға №3 скважиналарды күрделі жөндеу цехынан ӨМС-28 бригадасы бұрғышы Б. Тулекбаевтың ауысымы және ІV орынға №4 скважиналарды күрделі жөндеу цехынан ӨМС-43 бригадасы бұрғышы К. Жанызаковтың ауысымы табан тіреді. Сонымен қатар ӨМС-4 бригада қызметкерлері сапалы еңбектің үлгісін көрсете білгені үшін ерекше алғысқа ие болды.
Жоғарыда аталған бригадалар, ауысым және қызметкерлер еңбектегі үздік үлгісі мен асқан жауапкершілігі үшін «ӨзенМұнайСервис» ЖШС бас директоры О.Н. Тарғыновтың атынан алғыс хаттармен марапатталып, бір реттік сыйақыға ие болды.
#қазақстан #маңғыстау #жаңаөзен #казаxстан #мангистау #жанаозен #өзенмұнайсервис #озенмунайсервис #ozenmunaiservice #ozenmunaigaz #өзенмұнайгаз #озенмунайгаз #kmgoms #oms #омс
