«ӨзенМұнайСервис» ЖШС-де қыркүйек айының қорытындысы талқыланды 13.10.2026 14:00«ӨзенМұнайСервис» ЖШС-де 2026 жылғы қыркүйек айының қорытындысына арналған кеңейтілген өндірістік кеңес өтті.
Жиын барысында серіктестіктің өндірістік және ұйымдастырушылық қызметінің нәтижелері сараланып, алдағы кезеңге арналған негізгі міндеттер айқындалды.
🛡 Өндірістік қауіпсіздік басты назарда
Бас директор Шырақбаев Дамир Әлібекұлы өндірістік қауіпсіздік, еңбекті қорғау және қоршаған ортаны қорғау талаптарын қатаң сақтау серіктестіктің басты басымдықтарының бірі екенін атап өтті.
Жиын барысында өндірістік тәуекелдердің алдын алу, қауіпсіз еңбек жағдайларын қамтамасыз ету, бақылау жүйелерінің тиімділігін арттыру және Қорғау картасы бойынша жұмысты жүйелі жүргізу мәселелеріне ерекше назар аударылды.
🔹 Жиында келесі мәселелер қаралды:
✔️ Ұңғымаларды күрделі жөндеу жұмыстарының нәтижелері;
✔️ «QORGAU» картасының талаптарын сақтау;
✔️ Өндірістік қауіпсіздік көрсеткіштері;
✔️ Жөндеу жұмыстарының сапасын арттыру;
✔️ Өндірістік жоспарлардың орындалуы;
✔️ Электрондық наряд жүйесінің тиімділігі;
✔️ Экологиялық талаптардың сақталуы;
✔️ Көтергіш қондырғылардың сақтандыру жүйелерін тұрақты бақылау;
✔️ Күрделі жөндеу бригадаларының қозғалысын тиімді жоспарлау және жұмыс барысын үйлестіру.
📈 Өндірістік көрсеткіштер
Қыркүйек айының қорытындысы бойынша серіктестік 55 ұңғыманы, ал жыл басынан бері 525 ұңғыманы тапсырды. Жыл басынан бергі ІНУ-дың орташа көрсеткіші 391 сағатты құрады.
Бұл көрсеткіштер – өндірістік ұжымның кәсібилігі мен бірлескен еңбегінің нәтижесі.
⚙️ Техникалардың сенімділігі – өндіріс тиімділігінің кепілі
Механика бөлімі мен автотізбек қызметінің бірлесіп жүргізген алдын алу жөндеу жұмыстары көтергіш қондырғылардың сенімділігін арттыруға және техникалардың бос тұрыс уақытын қысқартуға оң ықпал етті.
🏆 Үздіктер марапатталды
Ай қорытындысы бойынша үздік өндірістік көрсеткішке қол жеткізген ӨМС-27 бригадасы арнайы марапатқа ие болды.
📋 Жиын соңында алдағы кезеңге арналған міндеттер нақтыланып, олардың орындалуы тұрақты бақылауда болатыны атап өтілді. Сонымен қатар қызметкерлерге Қорғау картасының талаптары бойынша қосымша түсіндіру жұмыстары жүргізілді.
Басты мақсат – қауіпсіздікті сақтау, жұмыс сапасын арттыру және өндірістік тиімділікті қамтамасыз ету!
#ӨзенМұнайСервис #ӨндірістікКеңес #ӨндірістікҚауіпсіздік #ЕңбектіҚорғау #ҚоршағанОртаныҚорғау #ҰңғымалардыКүрделіЖөндеу #Өндіріс #КомандаЖетістігі
