«ӨЗЕНМҰНАЙСЕРВИС» ЖШС-де ӨРТКЕ ҚАРСЫ ТАКТИКАЛЫҚ ОҚУ-ЖАТТЫҒУЫ ӨТКІЗІЛДІ 14.10.2021 00:00«ҚазМұнайГаз» ҰК АҚ-ның басқарма төрағасы А. Айдарбаевтың 21.09.2021ж. шыққан №101-13/6330-шы хатын негізге ала отырып, табиғи және техногендік сипаттағы төтенше жағдайлардың алдын алудың және оларды жоюдың мемлекеттік жүйесін ұйымдастыру, жетілдіру, сондай-ақ басқару органдар күштері мен құралдарын даярлау мақсатында 2021 жылдың қазан айының 8-ші жұлдызы күні «ӨзенМұнайСервис» ЖШС-нің әкімшілік ғимаратының аумағында кезектен тыс өртке қарсы тактикалық оқу-жаттығу жоғарғы деңгейде өткізілді.
Оқу жаттығу барысында Серіктестікпен келісім-шартқа отырған «Өрт сөндіру қызмет-М» ЖШС-нің мамандары, арнайы өрт сөндіру техникасымен және «Медикер ӨМ» ЖШС-нің жедел жәрдем қызметкерлері қатысып, жоспар бойынша зардап шеккен қызметкерді өрттің арасынан, қауіпсіз жерге эвакуация жасап, алғашқы медициналық көмек көрсетілді. 
Оқу жаттығу барысында Серіктестіктің әкімшілік басқару қызметкерлеріне алғашқы өрт сөндіру құралдарын қалай қолданылатыны туралы практикалық сабақ өткізілді.
